Durante as tres últimas semanas, o alumnado de Primaria estivo inmerso no Proxecto do Samaín, proxecto no que se levaron a cabo variadas actividades que “encantaron”, tanto aos alumnos coma ao profesorado.

Porque, sabedes todos de onde procede o Samaín? As súas costumes? As súas festas? Por que se decoraban as casas con cabazas ou espantallos? Pois todo isto foi o que se estivo a investigar nestas semanas.

Descubrimos un mundo de tradicións ancestrais, de festas, de misterios… Ademais, foron os maiores da etapa os encargados de investigalo e explicarllo aos máis pequenos, os que, á súa vez, elaboraron contos máxicos para deleitar ao alumnado de Infantil.

Resultou un proxecto enriquecedor e moi divertido, esperamos con ansia o próximo proxecto!!