Un ano máis, a nosa comunidade educativa uniuse para participar na «Operación Bocata», unha iniciativa solidaria que nos lembra a importancia de compartir e axudar aos que máis o necesitan. Organizada polo noso colexio, esta actividade ten como obxetivo sensibilizar ao alumnado sobre a realidade de moitas persoas que, no seu día a día, apenas poden permitirse unha comida.
Nesta ocasión, os fondos recadados, xunto co recadado nos festivais solidarios de Don Bosco destinaranse a un proxecto en Chad, onde se construirá un comedor e unha enfermaría para mellorar as condicións de vida de moitas familias.

Grazas ao esforzo e compromiso de todos, conseguimos non só unha importante achega económica, senón tamén fomentar valores como a solidariedade e a empatía.
O espírito salesiano está presente en cada acción que realizamos, e a «Operación Bocata» é unha mostra clara do noso compromiso cun mundo máis xusto e humano.

O noso agradecemento para todos os que colaboraron con nós: familias, Panadaría Ousá, Augas Fontecelta, Frutas Lugo e Queixería Entrepinares.

Animámosvos a seguir construíndo xuntos un futuro mellor para aqueles que máis o precisan.