Lugo, 9 de decembro de 2025 — Salesianos Divina Pastora Lugo celebrou esta tarde, ás 18:15, a presentación oficial do seu Belén colexial, un acto xa tradicional que reúne a familias, alumnado e educadores para acoller xuntos o espírito do Nadal. O evento contou ademais coa presenza do párroco da Milagrosa, José Antonio Ferreiro, o alcalde de Lugo, Miguel Fernández, e a concelleira Ana González, quen acompañou ao centro neste momento tan especial.

Durante a celebración, o público gozou dun baile inicial preparado pola comisión “Armando Belén”, seguido da explicación da simboloxía do Belén colexial e do seu significado para a comunidade educativa. O acto culminou coa bendición do Belén, xesto que convida a vivir o Nadal desde a paz, a fe e a esperanza.

«O Nadal convídanos a seguir o camiño de Dios para ser, como El, transmisores de paz, construíndo un mundo mellor. Pasemos pola vida facendo o ben», expresou Ángel, director da comunidade salesiana de Lugo.

A xornada concluíu cunha degustación do Nadal compartida, que favoreceu o encontro próximo entre familias, alumnado e representantes institucionais.