- Detalles
E velaquí tedes a edición dixital da nosa revista, con todas aquelas actividades que tiveron lugar dende xaneiro ata abril. Agardamos que vos guste!
Facede click aquí para acceder.
- Detalles
Os alumnos de 1ºESO tiveron unha saída cultural a Ponferrada, Astorga e León o mércores 3 e o xoves 4 de abril. A viaxe cultural tivo como obxectivo dar a coñecer ós alumnos outras cidades romanas como Astorga e ter unha pequena visión de Castela e León.
A primeira parada que fixeron foi en Ponferrada onde tiveron unha visita guiada polo Museo da Enerxía máis un taller experimental de construcción de fósiles. Xa en Astorga, despois de comer, os alumnos foron ó museo romano e fixeron unha visita guidada polos restos da cidade. Tras un ratiño de tempo libre, marcharon a León para durmir. Á mañá seguinte, visitaron á Catedral de León cunha audio guía e gozaron de tempo libre para pasear polo centro histórico da cidade. Finalmente, tras rematar de comer, regresaron para Lugo.
- Detalles
Rematamos este trimestre coas actividades interxeneracionais en colaboración co centro de maiores do noso barrio. Hoxe fomos ao parque da Milagrosa a aprender a xogar á petanca. Uns cantos de nós somos bos e boas xogadores e xogadoras. Rematamos compartindo unhas galletas coa xente que nos axudou. Moitas grazas!
- Detalles
O pasado 11 de abril, os nenos e nenas de 1º e 2º tivemos unha excursión moi especial: visitamos o Museo de Ferrocarril en Monforte, onde aprendemos moitas cousas interesantes sobre os trens.
Alí vimos trens moi antigos e sobre todo moi bonitos.
Coñecemos como era un tren fai moitos anos por dentro, e tivemos a sorte de ver a locomotora a vapor Mikado non só por fóra, senon comprobar o bonita e luxosa que é por dentro.
Ademais enterámonos de que esta locomotora foi utilizada en moitas películas, foi moi emocionante!!
Tamén fixemos un pequeno percorrido en tren e vimos moitas réplicas chulísimas de locomotoras famosas.
Pero ademais, tivemos tempo para comer e xogar todos xuntos, desfrutando de un día intenso e moi divertido.
- Detalles
Os nenos e nenas de Primeiro tivemos onte un día moi especial, xa que, para celebrar o final do noso proxecto sobre os seres vivos, tivemos a sorte de poder ter no cole as nosas mascotas e plantas.
Alí coñecemos a dous gatiños preciosos, dous cans moi simpáticos, un lindo canario e incluso a dous caracois moi tímidos. Tamén tivemos con nós unha grande variedade de plantas moi bonitas.
Foi unha ocasión estupenda para coñecer máis acerca dos seus coidados, alimentación, costumes...
Este proxecto, que levamos a cabo ao longo de todo o trimestre, estivo cargado de moitísimas actividades coas que aprendemos un montón sobre todos os seres vivos e a importancia que ten coidala natureza: traballos grupais, de investigación, vídeos, debates, xogos...
Pero, ademais de este día tan especial para nós, no que o pasamos xenial; encantounos tamén a nosa visita á horta dos nosos compañeiros do Colexio Cervantes, que nos trataron de marabilla, onde todos fomos xardineiros e plantamos as nosas propias plantas e a onde seguro voltaremos para ver como crecen.
Encantounos o noso proxecto “Os seres vivos”!!
Velaí vos van algunhas fotos para que vexades o que nos divertimos todos durante estas actividades!!
