“SOMOS FUTURO!”
LEMA CAMPAÑA PASTORAL CURSO 24-25
Benvidos e benvidas. Comezamos un novo curso e nova Campaña de Pastoral.
”Un soño para ti” non foi só o lema do curso 23/24. Un soño para ti sinala o inicio do proceso de realización do soñado, porque o agasallo deste soño levounos a descubrir que “SOMOS FUTURO!”: a concreción diaria daquel soño no que, de diversas maneiras, todos estabamos presentes. Chegou o momento de vivir o soñado, de afirmar con coherencia que isto é posible porque “Deus ama ao mundo”.
Unha historia que é pasado para o recordo, unha historia que é presente, limitado e puntual, xa que o devandito agora é xa pasado e deu paso ao futuro. Pódese dicir, con propiedade, que o futuro é o único que existe e que o facemos realidade convivindo, compartindo e agradecendo o presente.