«Escola de pais: Hábitos e técnicas de estudo»
Hábitos e técnicas de estudo
Durante as etapas de Primaria e Secundaria, os escolares deben poñer as bases para ir construíndo a aprendizaxe dos contidos do currículo. Profesores e familias deben asegurarse de que eses cimentos queden ben asentados para que esa aprendizaxe sexa significativa, reflexiva, e crítica.
O papel que xogan as familias na ensinanza dos fillos/as é esencial. Nas primeiras etapas educativas, o obxectivo fundamental debe ser detectar, previr e corrixir calquera dificultade que se poda presentar na adquisición das aprendizaxes básicas e afrontala coa maior rapidez e eficacia para que non interfira; ou que o faga no menor grado posible no rendemento académico
Como crear o hábito de estudo nos/as nenos/as:
As familias poden facer moito para axudar no estudo dos seus fillos/as: controlar o tempo adicado ao mesmo nas etapas máis pequenas ata que se cre o hábito e sexan autónomos/as na aprendizaxe e aplicar medidas dirixidas máis ao esforzo que realizan os seus fillos/as que ao rendemento en si.
Ademais, temos que ser conscientes de que a orientación para a súa vida profesional debe comezar de maneira temperá, non cunha finalidade concreta por unha carreira ou outra; senón dirixila aos seus ámbitos de interese, para aumentar a motivación e trazar uns obxectivos xerais, unhas metas e así dotar de sentido ao feito de estudar e aprender.
Estratexias de aprendizaxe na infancia
Organizarse. Convén acostumar aos nenos/as dende moi pequenos no uso das axendas, á planificación do tempo. O primeiro que debemos facer é, por tanto, axudarlles a levar un análise das actividades diarias, seguindo estas pautas:
– Programar as actividades, tanto as diarias como as semanais.
-Dividir o tempo deestudo do dediversión.
– Aproveitar os ratos libres.
– Elixir ben as actividades extraescolares e os seus horarios. Non utilizalas como premio ou como castigo.
– Non deixar para máis adiante o comezo do estudo.
– Non esquecer a data límite para estudar.
O lugar de estudo debe ser un lugar para traballar. Na actualidade, os nenos/as desfrutan de moitos recursos, por iso, é preciso delimitar un espazo, libre de distraccións.
Memorizar Hai que facer uso das técnicas de subliñado, realización de esquemas e mapas conceptuais para elaborar e codificar da mellor maneira posible a información extraída. Si os/as alumnos/as non practican estas estratexias de codificación da información de maneira correcta, terán dificultades para a súa utilización en etapas superiores.
Repasar e revistar é fundamental. A falta de tempo, deixar o estudo para o último día, confiarse, etc. leva a que o día do exame o neno ou nena se quede coa mente en branco; o tema, o dato sóalle pero non acaba de evocalo e moitísimo menos é capaz de expresar satisfactoriamente o seu contido. A revisión ten como obxectivos a elaboración de materiais que faciliten no posible o proceso de interiorización e memorización; fichas de sínteses, táboas terminolóxicas,….
Falta de concentración e distraccións. Ás veces o problema non é o lugar de estudo apropiado, nin o horario, nin as técnicas instrumentais, senón algo tan frecuente como son as distraccións. A falta de concentración éconstante, é algo moi importante detectalo e axudar a enfocalo.
Interese e motivación. O cambios, a presión do grupo e a esixencia crecente do medio familiar e escolar ante o seu futuro profesional fan que para algúns/as rapaces/as estudar resulte moi difícil ou case imposible. En moitas ocasións, existe unha completa falta de motivación para todo aquilo que teña algo que ver coa escola, unha situación que é obxecto de ansiedade constante para moitas familias.
O fenómeno é cada vez máis frecuente e máis intenso. En situacións así é mester que entendan que estudan para si mesmos/as e que é un dereito de toda persoa pero tamén un debe cara á sociedade.
A modo de conclusión, resaltamos a importancia duns bos hábitos de estudo, dende os primeiros anos, sempre acorde á idade do noso/a fillo/a, para que se vaia desenvolvendo esta habilidade, ao igual que se desenvolven outras, como a lectura, andar en bici, etcra.
AOS XOGUETES DALLES IGUAL SE É NENO OU NENA
