Neste curso tan especial marcado pola pandemia da Covid-19 , o noso colexio optou por normalizar o máximo posible a vida escolar e tentar ofertar actividades deportivas extraescolares seguras e que se realicen tendo en conta todos os protocolos sanitarios establecidos tanto polo colexio como polas autoridades competentes.

Contaremos con distintas actividades lúdico-deportivas para ocupar o tempo libre e extraescolar unha vez rematada a xornada lectiva tanto nas instalacións colexiais como nas instalacións do concello e en diferentes horarios. Levaremos a cabo actividades como predeporte , fútbol , fútbol sala e atletismo. Serán actividades para que os rapaces de Educación Secundaria, Educación Primaria e Educación Infantil desfruten de amplas xornadas deportivas cos seus compañeiros de clase, colexio e idade.

Este ano, un dos nosos clubs conveniados ( ADC PIRINGALLA) realizará os seus adestramentos nas instalación do noso colexio, polo que todos os alumnos e alumnas que queiran poderán realizar a práctica do fútbol e do fútbol sala simplemente asistindo ó seu cole e adaptando os seus horarios ás horas de adestramento de que dispón este club nas nosas instalacións.

Dispoñemos tamén de un equipo de atletismo que comenzou a rodar este curso e que sorprendentemente conta con 12 membros e que proximamente utilizará as pistas municipais do noso concello para os seus adestramentos.

Os nosos futuros deportista en idade infantil realizan as súas actividades no ximnasio do colexio contrarrestando física e mentalmente as limitacións que a pandemia infrinxe nos máis pequenos.

Todas estas actividades están abertas a inscrición durante todo o curso polo que calquera alumno ou alumna ten abertas as portas á inscricións ás actividades deportivas.

Un saúdo, Rubén Barrios Trigo.

contacto