Queridas familias:

Queríamos comezar o noso espazo de Escola de Nais e Pais , dando a benvida ao curso 2021-2022, que esperemos que sexa máis tranquilo que o que rematamos en xuño, fai xa dous meses.

Cremos que este comezo está sendo, e vai ser, distinto ao do ano pasado, xa que aínda que o día a día no noso colexio comeza moi parecido ao do curso pasado, polo menos este, xa temos as rutinas interiorizadas, e non temos ese sentimento de preguntarnos, que vai pasar? como vai ser? Esperamos que as novidades que vaian chegando sexan de máis apertura, de máis liberdade en canto a cousas que podemos ir facendo para que os vosos fillos e fillas teñan un ambiente educativo cada vez máis rico.

No colexio, seguimos actualizando os plans de continxencia para amoldarnos ao que as autoridades sanitarias e educativas nos piden.

Este curso volverá a ser especial, no que todos e todas temos que ter moi presente a responsabilidade tanto de grupo como persoal, e no que temos que poñer o mellor de nós mesmos para que todo volva a saír igual de ben que o ano pasado. Os vosos fillos e fillas ensináronnos que todo é posible e que poden lograr todo o que se propoñan.

Así que, temos que recordar que a cousa vai mellorando pero non nos podemos confiar, se queremos chegar canto antes a esa “antiga” normalidade.

Agora que xa comezan as clases, esperamos aos nosos rapaces e rapazas con moita ilusión. Toda a comunidade educativa, mestres, o departamento de Orientación, o PAS, pero sobre todo vós, as familias, temos que estar unidos ante as posibles circunstancias que poidan xurdir, xa que a colaboración familia-escola é sempre esencial.

Xa sabedes que o Departamento de Orientación está á vosa disposición para o que necesitedes.

Recibide unha cordial aperta,

Bea, Patri e Paula.

contacto