• https://www.escuelascatolicas.es/pacto-educativo-global/


Dende fai case dous anos, as máscaras convertéronse en algo totalmente imprescindible nas nosas vidas; eran absolutamente necesarias no noso traballo, nos medios de transporte, nos colexios …. Acostumámonos a usalas mentres paseábamos polas rúas, nas terrazas, etc

Pero a medida que a vacinación aumentaba e a COVID19 era menos perigosa as medidas preventivas fóronse relaxando ata que mediante o Real Decreto 286/2022, do 19 de abril modifícase a obrigatoriedade do uso das máscaras.

A partires dese momento é a vontade das persoas a que decide sobre o uso das máscaras na maioría dos contextos a excepción dos marcados polo Decreto como obrigatorios; algunhas prefiren seguir usándoa ben por prevención, ou tamén por outros factores que van máis alá da seguridade sanitaria, e que se denomina Síndrome da cara baleira.

Son varios os psicólogos e psicólogas que o definen coma “un tipo de sintomatoloxía ansiosa xerada ante o feito de enfrontarse a contorna sen máscara expoñéndose ao contaxio pola COVID”.

Moitas persoas prefiren seguir levándoa; xa que para eles ou elas as máscaras convertéronse nun complemento que tapa a maioría do seu rostro, ademais de xestos e faccións. Para as persoas que tiñan algún complexo, algunha inseguridade co seu rostro as máscaras actuaron como “táboa de salvación” xa que se sentían totalmente seguros/as ante as miradas dos demais.

No caso dos adolescentes segundo a psicóloga Rocío Rivero “esa sensación pode aparecer de forma amplificada xa que é a etapa vital na que existe unha maior necesidade de aceptación e pertenza a un grupo”.

Para poder axudarlle sería mester coñecer e analizar os pensamentos que teñen sobre a posibilidade de quitarse as máscaras; con isto poderíamos coñecer cales son os seus complexos.

A Doutora Rivero ofrece os seguintes consellos:

- Observar o que non nos gusta coa finalidade de normalizar esa zona do rostro

-Valorar o que si nos gusta do noso rostro.

- Exposición progresiva á situación; débese facer de maneira gradual, sen brusquidades.

 

Superar o síndrome da cara baleira debe de ser unha cuestión de tempo para pouco a pouco ir gañando en seguridade e confianza. É preciso que nos tomemos o noso tempo, para ir xerando máis seguridade á hora de quitala e que non sexa porque nos obrigan. Polo que tamén debemos de estar atentos e mostrar respecto cara as persoas que a levan coma as que non!

contacto