- Detalles
Neste curso, ao igual que o ano pasado, utilizaremos a ferramenta Microsoft Teams para as titorías e para certas clases en modo non presencial. Para aprender a acceder a esa ferramenta deixámosvos aquí un video explicativo sobre como facelo nun ordenador.
Como acceder a Microsoft Teams
Tamén cabe a posibilidade de instalalo nun teléfono android. Facilitámosvos un video para poder facelo. O usuario e o contrasinal a usar serán os do voso correo da plataforma Educamos.
- Detalles
LISTADO DE MATERIAL:
- Detalles
Se premedes aquí, accederedes á carta enviada dende o centro con todas as informacións referentes ao inicio do curso no noso centro.
- Detalles
DESPEDIDA
Estamos outra vez nesta altura do ano, na que nos toca despedirnos, felicitar o verán e pedir que descansedes moito. Moitas destas recomendacións son as mesmas de todos os anos, pero este foi un ano completamente distinto, no que ningún de nós sabíamos como ía ser e para o cal non estábamos preparados.
Pero ao final, todo saíu mellor do que podíamos pensar en setembro, a pesares das máscaras, das distancias, dos litros de xel...
Este ano toca despedirnos “a distancia” e sen poder estar todos xuntos/as, como nos gusta, e como é o noso estilo. Pero coa felicidade e a tranquilidade do traballo ben feito.
Sen embargo, na situación que nos tocou vivir, non todo foi negativo. Vivimos algo extraordinario, que se estudará nos libros de texto nun futuro, e como xa vimos, superamos con nota as dificultades que foron xurdindo, e mirando as cousas con positivisimo; aprendemos a manexarnos con maior soltura coas novas tecnoloxías, todos gañamos en autonomía, melloramos (familias, nenos/as, profesores...) na nosa creatividade, e tamén desenvolvemos outros valores que para o noso estilo educativo son moi importantes: o de poñernos no lugar do outro, a solidariedade, etc.
Ao mellor, agora mesmo, pode que nos resulte un pouco difícil ver esta parte positiva, co cansanzo do curso, e o estrés do final, pero esta situación fíxonos a todos e todas máis fortes e mellores persoas. Sabemos, nós tamén, que rematar así o curso é máis triste e despersonalizado, e que é fácil caer nos pensamentos de todo aquilo que non puidemos vivir este curso por culpa do virus, pero se nos esforzamos un pouco, podemos recordar moitos momentos nos que a diversión e o compañeirismo vividos, nos deixarán un sorriso na cara. Os nosos fillos e fillas apenas se queixaron, foron capaces de rematar o curso, sabendo buscar momentos de risas, de alegría, de diversión, de comunidade a pesares das circunstancias que o poñían moi difícil.
Todos os maiores debemos copiar aos pequenos e quedarnos cos momentos bos, para que en pouco tempo reemplacen na nosa memoria aos non tan bos.
Dende o departamento de Orientación, queremos desexarvos unhas felices vacacións. Vémonos pronto no vindeiro curso, que non sabemos aínda o que nos deparará, así que polo de agora: DESCANSADE!
Unha aperta.
